財爺派 Floppy，果然跟得上時代脈搏！

財爺預算案向議員派 Floppy，認真笑點十足，係今時今日，DVD-R / +R 都隨處可見，起碼 CD-R 在我家已經找不到了… 仲未計正在逐漸普及的 Blu-ray，屈指一算，Floppy 已經是隔了三代的老古董 ( 那些普及度不夠高的 zip drive 什麼的就不要計了… )，而政府竟然仲可以有咁大量既 Floppy 存貨 ( 如果 Floppy 全都是新買的話… 我只能夠說他們眼光獨到 )，實在係一件令後世人津津樂道既歷史事件，香港近代史應該會出現一句：「公元2010年，香港財政司司長曾俊華為推動文件電子化，以 Floppy 為儲存媒介向各議員的提問作書面回覆。」本人是明白的，能夠於史冊留名，是何等光榮 ? 行事出位一點亦無可厚非，既能娛樂大眾，亦能光宗耀祖，何樂而不為 ? 回想起來，對上一次用 Floppy，已經是為了幫部行 RAID 的 XP 重裝，才被逼要用 Floppy 來載入驅動程式，除此之外基本沒碰過，長期封塵，為了善用資源，若果立法會各議員有需要，本人願意把 Floppy 機送給立法會，為推動電子化出一分力。   ====== 原文 ======   財爺「復古」派floppy 議員四出撲磁碟機 【明報專訊】每年財爺公布預算案時，都會就議員早前交嘅提問作出書面回應，聽落好似好貼心，但衰在今年嘅回應就儲存喺隻磁碟（floppy）度，喺家呢個數碼年代，要搵部電腦可以讀到磁碟，真係唔容易，結果就玩死唔少議員！ 湯家驊：係咪咁窮呀！ 其中一個就係湯家驊，Ronny話佢屋企已經有3部電腦，但無一部電腦可以開到floppy，揸住隻碟都唔知點算好，激到佢大叫﹕「咁大個政府，起碼用光碟啦，政府係咪咁窮呀！」 除咗Ronny中招，民主黨都無晒符，到噚日傍晚都仲未有黨員搵到電腦有磁碟機，認真搞笑。黃成智就話：「打晒鑼咁搵磁碟機，但到家未搵到！未聽到有人開到！」佢話都估唔到政府咁老土，光碟都係一蚊一隻啫，可能政府想環保啲囯！ 政府：文件少 用光碟浪費 政府發言人就話，因為有關回應的文件數量唔多，如果用光碟會太過浪費，所以先選用floppy，如果有議員真係無方法開隻磁碟，先會複製隻光碟畀佢喎！Emily就覺得咁樣咪仲浪費資源，而且一隻 floppy容量不過1.44Mb，既然個file咁細，點解唔索性email？！ 鬍鬚曾唔肯講twitter戶口名 另外，鬍鬚曾噚晚出席各大傳媒搞嘅論壇時，就畀無綫記者何文雯借題發揮，問佢政府有無預算撥款訓練班高官玩facebook等網上平台，鬍鬚曾就答話高官個個都識玩，唔使培訓。何文雯打蛇隨棍問佢攞twitter戶口名，鬍鬚曾死都唔肯答，仲話「每個人都有秘密」啦！